Նեթանյահուն կճանաչի Պաղեստինը․ Թրամփ

ԱՄՆ նախագահ Դոնալդ Թրամփը համոզված է, որ Իսրայելի վարչապետ Բենյամին Նեթանյահուն ի վերջո կհամաձայնի Պաղեստինյան պետության ճանաչմանը։ Այդ մասին Թրամփը հայտնել է CBS News-ի «60 րոպե» հաղորդմանը տված հարցազրույցում։

Թրամփի խոսքով՝ Նեթանյահուի հետ ինքը արդյունավետ է աշխատել։

«Ես շատ լավ եմ հասկացել նրան, երբեմն ստիպված եմ եղել ուղղորդել։ Կարծում եմ՝ լավ եմ կատարել այդ գործը։ Նա շատ ունակ մարդ է»,– նշել է Թրամփը։

Նա հավելել է, որ Նեթանյահուի քաղաքական փորձն ու իրավիճակի իրազեկվածությունը կարող են նպաստել խաղաղ կարգավորման գործընթացին։ Թրամփը չի մանրամասնել, թե ինչ պայմաններում կամ ժամանակահատվածում կարող է տեղի ունենալ նման քայլը։