Իսրայելը ՀԱՄԱՍ-ից ստացել է երեք պատանդի մարմին

Իսրայելը ՀԱՄԱՍ-ից ստացել է Գազայի հատվածում պահվող ևս երեք պատանդի մարմին։ Ինչպես հայտնել է վարչապետ Բենիամին Նեթանյահուի գրասենյակը, դագաղները Կարմիր խաչի միջոցով հանձնվել են Իսրայելի պաշտպանության ուժերին և անվտանգության ծառայություն Շին Բեթին:

«Իսրայելը Կարմիր խաչի միջոցով ստացել է երեք մահացած պատանդների դագաղները, որոնք հանձնվել են Իսրայելի պաշտպանության ուժերին և Շին Բեթին»,- նշված է պաշտոնական հաղորդագրությունում։

Իսրայելի առողջապահության նախարարության խոսնակի խոսքով՝ մարմինները տեղափոխվել են Ազգային դատաբժշկական կենտրոն՝ մահվան հանգամանքներն ու պատճառները պարզելու համար։ Փորձագետներն այնտեղ կհանդիպեն զոհերի ընտանիքների հետ՝ արդյունքների ներկայացման նպատակով, հաղորդում է AFP-ն։