Արեգակի վրա վերսկսվել են ուժեղ բռնկումներ
Երկշաբաթյա դադարից հետո Արեգակի վրա կրկին գրանցվել են ուժեղ բռնկումներ։ Ռուսաստանի գիտությունների ակադեմիայի Տիեզերական հետազոտությունների ինստիտուտի (ՏՀԻ) արևային աստղագիտության լաբորատորիան հայտնում է, որ արեգակնային բռնկումային ակտիվությունը վերսկսվել է՝ հասնելով M1.0 մակարդակի։
«Արեգակի վրա գրանցվում է ուժեղ բռնկումային ակտիվության վերսկսում, որը վերջին անգամ նկատվել էր հոկտեմբերի կեսերին և ընդհատվել էր երկու շաբաթով», — նշվում է լաբորատորիայի հաղորդագրության մեջ։
M1.0 մակարդակի բռնկումը տեղի է ունեցել շուրջ ժամը 4:00-ին (Մոսկվայի ժամանակով) աստղի արևելյան եզրին։ Այս տեսակի բռնկումները դասվում են հնգաստիճան սանդղակի չորրորդ՝ ուժեղ դասին։ Գիտնականները հիշեցնում են, որ M մակարդակից բարձր են միայն X մակարդակի ամենաուժեղ իրադարձությունները։
ՏՀԻ մասնագետների կանխատեսմամբ՝ այս գիշերային բռնկումը նախանշում է արեգակնային ակտիվության աճի նոր փուլ, որի գագաթնակետը սպասվում է նոյեմբերի 3-9-ը։ Ներկայումս Արեգակի ձախ եզրից դեպի Երկիր են շարժվում երկու հզոր ակտիվության կենտրոններ։
