Զելենսկու սկանդալային հայտարարությունը․ ոչ թե հարյուր, այլ հազար ԱԹՍ կթռչի դեպի Մոսկվա

Ուկրաինայի նախագահ Վլադիմիր Զելենսկին հայտարարել է, որ  ուկրաինական ուժերին հաջողվել է կասեցնել ՌԴ զորքերի առաջխաղացումը ցամաքում և դուրս մղել ռուսական նավատորմը Սև ծովից։ 

«Այս պատերազմում հաղթանակը պատկանում է ամենախելացիներին», - ասել է նա Financial Times-ին տված հարցազրույցում։

Զելենսկին հավելել է, որ եթե Արևմուտքի աջակցությունը պահպանվի, վճռորոշ գործոնը կլինի «երկինքը»։ 

Նա նաև սպառնացել է ուժեղացնել Ռուսաստանի մայրաքաղաքի վրա հարվածները. «Երբ ոչ թե հարյուր անօդաչու թռչող սարքեր, այլ հազար կթռչեն դեպի Մոսկվա…նախագահ Վլադիմիր Պուտինը կհասկանա։ Մոսկվայի ուղղությամբ ուկրաինական հարվածային անօդաչու թռչող սարքերի մասշտաբների կտրուկ ավելացումը ստիպելու է Կրեմլի ղեկավարին փախչել մայրաքաղաքից»։