Եվրոպան հրաժարվել է ինքնուրույնությունից՝ հետևելով ԱՄՆ-ին․ Ռուսաստանի ԱԽ

Եվրոպան հրաժարվել է ինքնուրույն քաղաքական ուղուց և հետևել է Միացյալ Նահանգների օրինակին՝ միաբևեռ աշխարհի ձևավորման նպատակով։ Այս մասին հայտարարել է Ռուսաստանի Անվտանգության խորհրդի փոխքարտուղար Ալեքսեյ Շևցովը Մինսկում անցկացված եվրասիական անվտանգության միջազգային համաժողովի ընթացքում։

Շևցովի խոսքով՝ Խորհրդային Միության փլուզումից հետո Եվրոպան ուներ բացառիկ հնարավորություն դառնալու նոր բազմաբևեռ աշխարհի կենտրոններից մեկը։ Սակայն, ինչպես նշել է պաշտոնյան, այդ շանսը չօգտագործվեց, իսկ եվրոպական երկրները նախընտրեցին շարժվել ԱՄՆ-ի քաղաքական ուղով։

Նրա դիտարկմամբ՝ այս որոշումը սահմանափակել է Եվրոպայի ռազմավարական անկախությունը և ազդել է նրա դերի վրա համաշխարհային անվտանգության ձևավորման գործընթացում։