Պուշկինի դպրոցի ծնողներն արդեն ԿԳՄՍ-ի շենքի մոտ են․ նրանց պահանջը մեկն է

Երևանի Պուշկինի անվան դպրոցի ծնողներն արդեն ԿԳՄՍ-ի շենքի բակում են։ Նրանց պահանջը մեկն է  դպրոցի տնօրենի պաշտոնում թողնել նախկինում ատեստավորման վերջին փուլը չանցած Նատալյա Ստեփանյանին:

Հաշվի առնելով, որ մրցույթի բանավոր փուլին Ստեփանյանի թեկնածությանը դեմ են քվեարկել կրթության նախարարության ներկայացուցիչ 2 անդամները և այն, որ բողոքը քննող հանձնաժողովի 5 անդամներից 4-ը ևս ԿԳՄՍ-ից են, դպրոցի ծնողները մտահոգ են և չեն բացառում կրկին հայեցողական, կամայական մոտեցման և սուբյեկտիվ ու ոչ հիմնավոր որոշման հավանականությունը:

Այդ կապակցությամբ դպրոցի ծնողները պահանջում են, որ բողոքի քննարկմանը ներկա գտնվեն դպրոցի տնօրեն Նատալիա Ստեփանյանը և ներկայացուցիչներ մանկավարժական ու ծնողական խորհուրդներից: Դրանով ԿԳՄՍ-ն կապահովի թափանցիկություն։

Ավելի վաղ հայտնել էինք, որ Երևանի Պուշկինի անվան դպրոցում այսօր դաս չկա։ Աշակերտների ծնողները հավաքվել էին դպրոցի շենքի բակում, որպեսզի միասին գնային ԿԳՄՍ-ի  նախարարության շենքի մոտ, որտեղ էլ կանցկացնեն խաղաղ բողոքի ակցիա։