Դոնեցկի ղեկավարը հերքել է պայթյունի մասին լուրերը
Դոնեցկի Ինքնահռչակ Ժողովրդական Հանրապետության ղեկավար Դենիս Պուշիլինը Դոնեցկում իրավիճակը վերահսկելի է անվանել։ Հաղորդում է Iz.ru-ն։
Ավելի վաղ՝ փետրվարի 12-ին, սոցիալական ցանցերն ու տեղական լրատվամիջոցները տեղեկություն էին հրապարակել Դոնեցկում հզոր պայթյունի մասին։ Նշվել է, որ պայթյունը լսվել է քաղաքի միանգամից մի քանի թաղամասերում։
Ինչպես պարզաբանել է Պուշիլինը, պայթյունը տեղի է ունեցել Կիևի կողմից վերահսկվող տարածքում՝ շփման գծի տարածքում։ Քաղաքում իրավիճակը վերահսկելի է, ընդգծել է նա։
Իր հերթին,Դոնեցկի միլիցիայի վարչության պետի տեղակալ Էդուարդ Բասուրինը լրագրողներին ասել է, որ ինքը նույնիսկ պայթյունի ձայնը չի լսել։
