Պակիստանը պատրաստ է «բաց պատերազմ» սկսել Աֆղանստանի հետ
Պակիստանը պատրաստ է «բաց պատերազմ» սկսել Աֆղանստանի հետ:
Դա տեղի կունենա այն դեպքում, եթե կողմերը համաձայնության չգան Ստամբուլում ընթացող բանակցություններում։ Այս մասին հայտարարել է երկրի պաշտպանության նախարար Խավաջա Ասիֆը։
Նրա խոսքով՝ Իսլամաբադը նախկինի պես հակամարտության խաղաղ կարգավորման հույս ունի և նույնպիսի ցանկություն է տեսնում Քաբուլի կողմից:
Պակիստանի և Աֆղանստանի բանակցությունները Ստամբուլում մեկնարկել են հոկտեմբերի 25-ին: Հանդիպման նպատակն է մշակել մեխանիզմ, որը թույլ կտա ամրագրել հրադադարի ռեժիմը երկար ժամանակով:
