Արշակի հրաժարականի պահանջից հետո Կտրիճը կոմպրոմատ հրապարակեց՝ ճանկռելով փորձում է գահը պահել. Medianews

Medianews-ը գրում է.

«Երեկ հայտնել էինք, որ այդ օրը առավոտյան թեժ զրույց է տեղի ունեցել Կտրիճ Ներսիսյանի և Արշակ Խաչատրյանի միջև։ Արշակ Խաչատրյանը մասնավորապես պահանջել էր Կտրիճի հրաժարականը և պնդել, որ եթե նա չհեռանա իրենք բոլորը հայտնվելու են պետության թիրախում։

Կտրիճը ինչպես հայտնի է, նմանատիպ բաները չի ներում և ահա ժամեր անց տելեգրամյան անանուն ալիքներում, որոնք կապվում են «ֆեյքերեցների» հետ հրապարակվեց մի տեսանյութ, որում Արշակ Խաչատրյանը ռոմանտիկ տեսարանի մեջ էր իր քեռակնոջ հետ։

Սրանով Կտրիճը փորձում է եկեղեցականներին հասկացնել՝ կամ պաշտպանում եք ինձ, կամ որիդ վրա ինչ ունեմ՝ կհանրայնացնեմ։

Ամենայն հավանականությամբ տեսանյութը արվել է Արշակ Խաչատրյանի բնակարանում, որը նրան հատկացրել է եկեղեցին, իհարկե, նախապես «կահավորելով» այն։

Թե ու՞ր կհասնի կոմպրոմատային պատերազմը եկեղեցականների շրջանում, դժվար է ասել, բայց միանշանակ է, որ այս ամենը եկեղեցու հետ կապ ունենալ չի կարող»։