Նա համատեղության կարգով Սերժենց և Ռոբենց վարչապետի թեկնածուն էր. Ալեքսանյան
Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում անդրադառնալով Մասիս համայնքի ղեկավար Դավիթ Համբարձումյանի ազատազրկմանը, տեսանյութ է վերահրապարակել և գրել.
«Ցուցարար ուսանողներին 2018-ին ծեծած խուլիգանական խմբի պարագլուխ Դավիթ Համբարձումյանը դատապարտվեց 6 տարվա ազատազրկման։
Նա համատեղության կարգով Սերժենց և Ռոբենց վարչապետի թեկնածուն էր»։
Հիշեցնենք՝ Երևանի քրեական դատարանի՝ հոկտեմբերի 23-ին հրապարակած վճռով՝ Մասիս համայնքի ղեկավար Դավիթ Համբարձումյանը դատապարտվել է 6 տարի 3 ամիս ժամկետով ազատազրկման:
Դավիթ Համբարձումյանը մեղադրվում է 2018 թվականի ապրիլի 22-ին Հայանիստ-Հովտաշատ գյուղերի խաչմերուկում զենքի գործադրմամբ խուլիգանություն կատարելու համար:
