Ալեն Սիմոնյանը չի մասնակցի Հովհաննավանքում Տ․ Արամ քահանայի մատուցած պատարագին
ԱԺ նախագահ Ալեն Սիմոնյանը չի մասնակցի Հովհաննավանքում Ստեփան Ասատրյանի մատուցած պատարագին։
«Չգիտեմ, չեմ մասնակցելու, գործեր ունեմ»,- լրագրողներին ասաց Սիմոնյանը։
Սիմոնյանը համարում է, որ Մայր Աթոռը ոչ լեգիտիմ կառույց է։ Նա Վեհափառ Հայրապետին կոչ արեց հեռանալ։
«Թող գնա, մեկա գնալու է»,- հավելեց ԱԺ նախագահը։
Հիշեցնենք՝ հոկտեմբերի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Հայրապետական տնօրինությամբ կարգալույծ է հռչակվել Տ․ Արամ քահանա Ասատրյանը: Կարգալույծ եկեղեցականն այսուհետ կդասվի աշխարհականների շարքին՝ Ստեփան Ասատրյան ավազանի անունով: Նա պետք է դադարի գործունեությունը Հովհաննավանքում, Ստեփան Ասատրյանը, սակայն, որոշել է կիրակի օրը պատարագ մատուցել Հովհաննավանքում։
ՔՊ-ականներին ոգևորել է Ստեփան Ասատյանի այս քայլը. վարչապետ Նիկոլ Փաշինյանը հայտարարել է, որ առաջիկա կիրակի օրը Հովհաննավանքում մասնակցելու է Ասատրյանի կողմից մատուցվող պատարագին:
