ՏԵՍԱՆՅՈՒԹ. Ով ցանկանում է այս տարբերակով երեխա ունենալ, ո՞ւր պիտի դիմեն. վարչապետը` նախարարին

Վերարտադրողական առողջության ծրագրի համար ՀՀ կառավարությունն առողջապահության նախարարությանը 500 մլն դրամ լրացուցիչ միջոցներ կտրամադրի։ Այս մասին կառավարության նիստի ժամանակ ասաց ՀՀ ԱՆ ղեկավար Անահիտ Ավանեսյանը։

ՀՀ վարչապետ Նիկոլ Փաշինյանը հարց ուղղեց Առողջապաության նախարար Անահիտ Ավանեսյանին, նշելով ով ցանկանում է այս տարբերակով երեխա ունենալ, ո՞ւր պիտի դիմեն.

«36 տարեկանը լրացած և 2 տարի ցանկություն ունեցած, բայց երեխա չունեցող կանայք հնարավորություն ունեն դառնալ այս ծրրագրիի շահառու անկախ որևէ կարգավիճակից»,- պատասխանեց Ավանեսյանը: 

Փաշինյանը, հակադարձելով նախարարին, ասաց` ինչու 36 տարին լրացած: 

«Մենք ունենք ծրագրի արդյունավետության բժշկական հատվածը, որը ենթադրում է, որ 36 տարեկանն այն շրջանն է, երբ այս տեխնոլոգիաները ամենաարդյունավետնն են կիրառելու, բայց մենք նաև դիտարկում ենք ծրագիրն ընդլայնել»,- ասաց նախարարը հավելելով, որ դրանք ապագայում վերանայման հնարավորություն ունեն: 

Փաշինյանն էլ արձագանքելով նշեց, որ ծրագրի տարիքային շեմն անպայման պետք է վերանայվի:

Մանրամասները` տեսանյութում: 

Նշենք, որ Հայաստանում անպտղության հաղթահարմանն ուղղված ծրագիրը մեկնարկել է 2019 թվականին, որն իրականացվում է պետական պատվերի շրջանակներում` վերարտադրողական օժանդակ տեխնոլոգիաների կիրառմամբ բնակչության համար թանկարժեք ծառայություններն ավելի հասանելի դարձնելու համար։