Վարդան Ղուկասյանին տեղափոխում են Երևան՝ Հակակոռուպցիոն կոմիտե

Գյումրու քաղաքապետ Վարդան Ղուկասյանին տեղափոխում են Երևան՝ Հակակոռուպցիոն կոմիտե: Այս մասին հայտնել է փաստաբանը:

Տեսանյութում երևում է, թե ինչպես են Գյումրու քաղաքապետ Վարդան Ղուկասյանին քաղաքապետարանի հետնամուտքից դուրս բերում և  մոտեցնում այն մեքենային, որով պիտի տեղափոխեն Հակակոռուպցիոն կոմիտե։

Հիշեցնենք՝ ՀՀ հակակոռուպցիոն կոմիտեի օպերատիվ–հետախուզական վարչության կողմից ձեռնարկված մեծածավալ օպերատիվ–հետախուզական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք–գումարներ պահանջելու և ստանալու դեպքերի վերաբերյալ։