ԵՄ-ն որոշում է կայացրել Ուկրաինային 450 միլիոն եվրոյի օգնություն հատկացնել
Եվրամիության խորհուրդը երկուշաբթի օրն ընդունել և հրապարակել է Ուկրաինայում խաղաղությանն ուղղված եվրոպական աջակցության մասին բանաձևը, որը նախատեսում է Կիևին 450 միլիոն եվրոյի զենք մատակարարել, այդ թվում՝ մահաբեր, հայտնում է Interfax-ը։
«Նախատեսված բազային ֆինանսական գումարը կազմում է 450 միլիոն եվրո»,- ասվում է Եվրոպական միության պաշտոնական տեղեկագրում հրապարակված իրավական ակտում։
Բացի դրանից, առանձին բանաձևով ևս 50 միլիոն եվրո է հատկացվում Ուկրաինային՝ անհատական պաշտպանական միջոցներ, առաջին բուժօգնության փաթեթներ և վառելիք ձեռք բերելու համար։
