ԱՄՆ նախագահը հպարտ է՝ ոչնչացրել է Իրանի միջուկային արդյունաբերությունը․ դե, թող այդպես մտածի․ Խամենեի

Իրանի գերագույն առաջնորդ Այաթոլլա Ալի Խամենեին  ԱՄՆ նախագահ Դոնալդ Թրամփի հայտարարություններին ի պատասխան իր ելույթում ակնարկել է, որ երկրի միջուկային արդյունաբերությունը մնացել է անփոփոխ՝  Իրանի միջուկային օբյեկտների վրա ԱՄՆ-ի հարձակումներից հետո։

Թրամփն ավելի վաղ հայտարարել էր, որ եթե չլիներ Իրանի վրա ԱՄՆ-ի ռազմական հարձակումը, Թեհրանը կարող էր արդեն իսկ ունենալ միջուկային զենք։ Նա նաև ասել է, որ չի հավատում Իրանի միջուկային ծրագիրը վերսկսելու ենթադրյալ հավակնություններին։

«ԱՄՆ նախագահը հպարտ է, որ նրանք ռմբակոծել և ոչնչացրել են Իրանի միջուկային արդյունաբերությունը։ Դե, թող այդպես մտածի», - ասել է Խամենեին։