Մենք աչք չենք փակի․ Էրդողանը հայտարարություն է արել

Իշխանությունները աչք չեն փակի փողոցներում քաոս սերմանելու և երկրում անդորրը ապակայունացնելու ընդդիմադիր շրջանակների փորձերի վրա: Այս մասին հայտարարել է Թուրքիայի նախագահ Ռեջեփ Թայիփ Էրդողանը։ 

«Մենք ականատես ենք լինում Ստամբուլի փողոցներում քաոս առաջացնելու փորձերին՝ որպես պատրվակ օգտագործելով հակակոռուպցիոն գործողությունը։ Մենք աչք չենք փակի մեր ազգի խաղաղությանը սպառնալու և Թուրքիային ահաբեկելու այս փորձերի վրա միայն նրա համար, որ շահույթի և թալանի սխեմաները փակ մնան։ Բողոքի ակցիաներն անօրինական են, փողոցային այս տեռորին մենք չենք տրվելու։ Ցույցերի ընթացքում տուժել են մեր ոստիկանները, որոնց շուտափույթ ապաքինում եմ մաղթում», - ասել Է Էրդողանը՝ ելույթ ունենալով Ստամբուլում։

Հիշեցնենք՝ 3-րդ օրն է Թուրքիայի տարբեր քաղաքներում տեղի են ունենում բողոքի ցույցեր՝ կապված ԺՀԿ-ն ներկայացնող Ստամբուլի քաղաքապետ Էքրեմ Իմամօղլուի ձերբակալության հետ։ Նրա դեմ մեղադրանքներ են առաջադրվել կոռուպցիայի և ահաբեկիչների հետ կապերի համար։