ՏԵՍԱՆՅՈՒԹ. Սանկտ Պետերբուրգում բարձրացվել է Սիրիայի ընդդիմության դրոշը
Սիրիական ընդդիմության ներկայացրած դրոշը կախվել է Սանկտ Պետերբուրգում Սիրիայի Արաբական Հանրապետության հյուպատոսության դիմաց: Այս մասին գրում է ТАСС–ը:
Նշվում է, որ Մոսկվայում Սիրիայի դեսպանատան դիմացից էլ իջեցվել է երկրի պաշտոնական դրոշը:
2011 թվականից սիրիական ընդդիմության ընդհանուր խորհրդանիշն այն դրոշն է, որն ի սկզբանե օգտագործվել է Սիրիայի Հանրապետության կողմից 1932-1958 թվականներին և Սիրիայի Արաբական Հանրապետության կողմից 1961-1963 թվականներին, որն ունի երեք հորիզոնական գծեր՝ կանաչ, սպիտակ և սև: Միջին սպիտակ շերտի վրա այն ունի երեք կարմիր հնգաթև աստղ: Այս դրոշի պաստառներով ընդդիմադիր ուժերը այսօր մտան Դամասկոս։
