Ադրբեջանում կկալանավորեն Ազգային անվտանգության նախկին նախարարին

Ադրբեջանի ազգային անվտանգության նախկին նախարար Էլդար Մահմուդովը կարող է ձերբակալվել։ Այս մասին հայտնում են տեղի լրատվամիջոցները։

Ըստ Ադրբեջանի դատախազության, այժմ առանձին քրեական գործ է հարուցվում նախկին նախարար Էլդար Մահմուդովի և այլ անձանց դեմ։ 

«Հասանելի տեղեկությունների համաձայն, պետական բյուջեից հափշտակված 29,6 միլիոն եվրոն սկզբում փոխանցվել է Լատվիայում գտնվող բանկային հաշվին, որը պատկանում է Դոմինիկյան Հանրապետությունում գրանցված օֆշորային ընկերությանը։ Ընկերության սեփականատեր Սահիբ Ալի օղլու Աղաևը համարվում է Էլդար Մահմուդովի մտերիմ գործընկերը։

2014-2015 թվականներին այս հաշվից գումարներ են փոխանցվել  Անար Մահմուդովի կողմից վերահսկվող այլ օֆշորային ընկերությունների հաշիվներին»,- հայտնում են տեղի ԶԼՄ-ները։

Հավելենք՝ Աղաևը Բաքվի ծանր հանցագործությունների դատարանի կողմից 2018 թվականին մեղադրվել է կոռուպցիայի մեջ և դատապարտվել 2020 թվականի հունիսի 16-ին։