ԱՄՆ-ն կմեծացնի ճնշումը Ռուսաստանի վրա, եթե Ուկրաինայում հակամարտությունը չկարգավորվի․ Հեգսեթ

Պենտագոնի ղեկավար Փիթ Հեգսեթը հայտարարել է, որ ԱՄՆ-ն և նրա դաշնակիցները կմեծացնեն ճնշումը Ռուսաստանի վրա, եթե Ուկրաինայում հակամարտությունը չկարգավորվի: Այս մասին հայտնել է kommersant.ru–ն։

Նրա խոսքով՝ ԱՄՆ պատերազմի նախարարությունը պատրաստ է ներդրում անել՝ այնպիսի ներդրում, որը միայն ԱՄՆ-ն կարող է տրամադրել։

«Եթե այս պատերազմը չավարտվի, եթե խաղաղությունն արագ չհաստատվի, Միացյալ Նահանգները, իր դաշնակիցների հետ միասին, կձեռնարկի անհրաժեշտ քայլեր՝ Ռուսաստանի համար ծախսերը մեծացնելու համար»,- ասել է Հեգսեթը: