Հոգևորականների թիվն ավելացել է. փաստաբան

Արագածոտնի թեմի կալանավորված հոգևորականների թիվն ավելացել է։ Այս մասին ՀՀ քննչական կոմիտեի մոտ լրագրողների հետ զրույցում հայտնել է փաստաբան Մարինե Ֆարմանյանը:

Նա նշել է, որ այս պահին քննչական կոմիտեում է գտնվում վեց հոգևորական, որոնք, իր նախանական տեղեկությունների, վկայի կարգավիճակ ունեն: Այժմ քննչական կոմիտե են տանում նաև Տեր Համբարձում քահանա Դանիելյանին։

«Եվս երկու քահանաների՝ Տեր Նարեկ քահանա Սարգսյանի և Սարգիս Սարգսյանի վերաբերյալ տեղեկություններ չկան։ Նրանց բերման են ենթարկել և հայտնի չէ, թե ուր են տարել։ Հնարավոր է՝ բերեն ՔԿ, բայց առայժմ տվյալներ չկան»,– ասել է փաստաբանը։

Ֆարմանյանն ընդգծել է, որ դեռևս հայտնի չէ Արագածոտնի թեմի առաջնորդ Մկրտիչ եպիսկոպոս Պռոշյանի գտնվելու վայրը: