Պեսկովը` Ռուսաստանի և Ադրբեջանի միջև շփումների մասին

Ռուսաստանի և Ադրբեջանի միջև շփումները լիովին չեն ընդհատվել՝ չնայած երկկողմ հարաբերություններում առկա դժվարություններին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով լրագրող Պավել Զարուբինի հարցին։

«Կապերը լիովին չեն ընդհատվել. դրանք շարունակվել են, այդ թվում՝ վարչակազմի և օգնականների միջև», - ասել է Կրեմլի խոսնակը։

Պեսկովը հավելել է, որ Ռուսաստանի և Ադրբեջանի միջև հարաբերությունները  լավագույն վիճակում չեն։ Դրան չնայած, երկրների միջև առևտրատնտեսական համագործակցության ծավալը շարունակել է աճել, նշել է մամուլի քարտուղարը։