Իրանը պատրաստ է օգտագործել իր վիթխարի ներուժը` դադարեցնելու պատերազմը Եվրոպայում. Ռաիսի

 Իրանի նախագահ Էբրահիմ Ռաիսին հերքել է Արևմուտքի և ԱՄՆ-ի անհիմն և կողմնակալ հայտարարությունները Եվրոպայում պատերազմի հարցում Իրանի դիրքորոշման վերաբերյալ՝ ասելով, որ իրանցի ժողովուրդը կարծում է, որ անհրաժեշտ է աջակցել ճնշվածներին: Այս մասին գրում է ԻՌՆԱ գործակալությունը:

«Իսլամական Հանրապետությունը պատրաստ է օգտագործել իր ամբողջ վիթխարի ներուժը, այդ թվում՝ դիվանագիտական դաշտում՝ դադարեցնելու պատերազմը Եվրոպայում»,- ասել է Ռաիսին Լեհաստանի նախագահ Անջեյ Դուդայի հետ հեռախոսազրույցի ժամանակ։

«Եվրոպայում պատերազմի սկզբից ի վեր Իրանի հստակ դիրքորոշումը եղել է հակամարտություններին ու պատերազմին հակադրվելը»,- ասել է նա։

Նախագահի խոսքով՝ ոչ մի երկիր չունի պատերազմին ընդդիմանալու այնպիսի մոտիվացիա, ինչպիսին ունի Իրանը։

«Ուստի Իրանի Իսլամական Հանրապետությունը պատրաստ է օգտագործել իր բոլոր լայն հնարավորությունները, այդ թվում՝ դիվանագիտական դաշտում, որպեսզի վերջ դնի Եվրոպայում պատերազմին»,- ասել է Ռաիսին։