Ինչ իրավիճակ է այս պահին Նուբարաշենի աղբավայրում. ՆԳՆ ՓԾ

Նուբարաշենի աղբավայրում հրդեհաշիջման աշխատանքները շարունակվում են: Այս մասին ՆԳՆ ՓԾ-ից Auroranews-ին հայտնեցին

«Հոկտեմբերի 11-ին, ժամը 13:00-ի դրությամբ Նուբարաշենի աղբավայրում հրդեհաշիջման աշխատանքները շարունակվում են (2 հա)․ աշխատանքներին ներգրավված են՝ ՓԾ 6 մարտական հաշվարկ, 2 օպերատիվ խումբ (31 փրկարարական ծառայող), Երևանի քաղաքապետարանի 11 բեռնատար, 2 ջրատար և 5 ինժեներեկան տեխնիկա։

Հրդեհի վայր է տեղափոխվել 107 մեքենա հող և մղվել է 91 տոննա ջուր։

Դեպքի վայրում է գտնվում ՆԳՆ Փրկարար ծառայության տնօրեն-ՆԳ նախարարի տեղակալ Կամո Ցուցուլյանը։ Դեպքի վերաբերյալ կտրվի լրացուցիչ տեղեկություն»,- ասված է հաղորդագրության մեջ: