Բայդենի երդմնակալության հետ կապված՝ Վաշինգտոնում 13 կայարաններ մեկ շաբաթով կփակվեն

Վաշինգտոնի կենտրոնում 13 մետրոկայարաններ մեկ շաբաթով կփակվեն՝ կապված Ջոզեֆ Բայդենի երդմնակալության ժամանակ անվտանգության ապահովման հետ։ Այս մասին հայտնել է Վաշինգտոնի տրանսպորտի վարչության ղեկավար Փոլ Վիդեֆելդը։ Նորընտիր նախագահի երդմնակալությունը տեղի կունենա հունվարի 20-ին։

Կայարանների աշխատանքը կդադարեցվի հունվարի 15-ին, դրանք փակ կմնան մինչև հունվարի 21-ը։ Փակ կայարաններով գնացքները կանցնեն առանց կանգառի։ Երդմնակալության արարողության հետ կապված՝ փոփոխություների կենթարկվեն նաև ավտոբուսային 26 երթուղիներ, հայտնում է The Washington Post-ը։

Հիշեցնենք, որ անվտանգության ապահովման նկատառումներով հունվարի 11-ին Թրամփը հայտարարել էր Վաշինգտոնում արտակարգ դրության սահմանման մասին։