Երևանը ծխի մեջ է. մարդիկ շնչում են Նուբարաշենի աղբավայրի թունավոր օդը
Ծուխը պատում է Երևանը, մարդիկ շնչում են թունավոր օդը:
Երևանի կենտրոնից ընդամենը մի քանի կիլոմետր հեռավորության վրա գտնվող Հայաստանի ամենամեծ աղբանոցը՝ Նուբարաշենի կենցաղային աղբավայրը, երկրորդ օրն է՝ ծխում է։
«Այսօր քամին այս կողմ բերեց, ժողովուրդը՝ ծխի մեջ է, թունավոր օդ է շնչում, տհաճ հոտ է տարածվում»,- քաղաքացիները ահազանգում են Auroranews:
Հիշեցնենք` Երևանի քաղաքապետ Տիգրան Ավինյանը «Ֆեյսբուք»-ի իր էջում հրապարակած տեսանյութում հայտարարել էր, որ բռնկված հրդեհը պատահականություն չէր, այլ դիտավորություն։ Նա տեղեկացրել էր, որ խոսել է ԱԱԾ տնօրենի և ՆԳ նախարարի հետ, և հրդեհի հետ որևէ կապ ունեցած անձ կենթարկվի պատասխանատվության օրենքի ամբողջ խստությամբ։
Քաղաքապետը նաև նշել էր, որ խստացվել է աղբավայրի մուտքի և ելքի վերահսկողությունը և շեշտել, որ այս տարի կհայտարարվի կենցաղային թափոնների վերամշակման գործարանի մրցույթի առաջին փուլը, որը մեկընդմիշտ կփակի Նուբարաշենի աղբավայրի էջը։
