ԱՄՆ-ում կոմունիզմ է սկսվել. Թրամփ

ԱՄՆ նախկին նախագահ Դոնալդ Թրամփը, ելույթ ունենալով Օհայոյում իր կողմնակիցների հանրահավաքում, ասել է, որ ներկայիս պետության ղեկավար Ջո Բայդենի վարչակազմի կողմից քաղաքական հակառակորդների իրավական հետապնդումը ցույց է տալիս, որ ԱՄՆ-ը դեմոկրատների օրոք արդեն անցել է սոցիալիզմից կոմունիզմ։ Այս մասին գրում է ТАСС-ը։ 

Ինչպես նշել է Սպիտակ տան նախկին ղեկավարը, մեկնաբանելով մի շարք նահանգներում իր դեմ ընթացող հետաքննությունները, իրավապահ մարմինները ստուգել են գործարքներ, որոնց մասին նա արդեն մոռացել էր։ 

«Ես ասացի, որ չեմ հիշում, քանի որ դա 23 տարի առաջ էր: Եվ ասում են, որ իրավապահ մարմինների ներկայացուցիչները եկել են մեզ մոտ 23 տարի առաջ մեզ հետ կնքած գործարքի պատճառով։ Մենք արդեն հինգ անգամ վերավաճառել ենք ամեն ինչ։ Սրանք հիվանդ մարդիկ են, բայց սրա միջով պետք է անցնենք։ Դադարեցրեք, քանի որ սա կոմունիզմի սկիզբն է»,- ասել է քաղաքական գործիչը։ 

Նրա կարծիքով՝ ԱՄՆ-ում սոցիալիզմը  «ավարտվել է». 

«Ես ասել եմ, որ սոցիալիզմ ենք ունենալու, բայց դա արդեն անցել է, մոտ մեկ տարի է, ինչ ավարտվել է, կարծում եմ։ Մենք այժմ կոմունիզմի աշխարհում ենք»,- ասել է Թրամփը։ 

Նա հավելել է, որ ԱՄՆ-ը դարձել է «երրորդ աշխարհի երկիր» դեմոկրատների քաղաքականության պատճառով։