Հայաստանը պետք է իր Սահմանադրությունից հեռացնի Ադրբեջանի նկատմամբ պահանջները. Բայրամով
Ադրբեջանի արտաքին գործերի նախարար Ջեյհուն Բայրամովը նշել է, որ Թուրքական պետությունների կազմակերպությունը ներուժ ունի ավելի կարևոր դեր խաղալու միջազգային անվտանգության նոր ճարտարապետության ձևավորման գործում՝ որպես միավորման խորհրդանիշ։
«Տասնամյակներ շարունակ հակամարտության մեջ գտնվող Հայաստանի հետ հարաբերությունների կարգավորման գործընթացին Ադրբեջանի հետևողական ջանքերն ու նպատակային գործողությունները նույնպես ուղղված են մեր տարածաշրջանում խաղաղության և կայունության հաստատմանը։
Ինչպես հայտնի է, 2023 թվականին Ադրբեջանի կողմից իր ինքնիշխանության լիակատար վերականգնումից հետո կողմերի միջև ակտիվացել են անմիջական շփումներն ու համատեղ ջանքերը՝ Հայաստանի հետ հարաբերությունները կարգավորելու համար։ Այս համատեքստում, օգոստոսի 8-ին Միացյալ Նահանգներում կայացած գագաթնաժողովը և ստորագրված փաստաթղթերը պատմական նշանակություն ունեն։ Այս պատմական հնարավորությունը պատշաճ կերպով գնահատելու և խաղաղության պայմանագիր կնքելու համար անհրաժեշտ է, որ Հայաստանը վերացնի Ադրբեջանի նկատմամբ իր տարածքային պահանջները, որոնք ամրագրված են Սահմանադրությամբ»,- հայտնել է Բայրամովը:
