Գիշերը ռմբակոծվել է Հնդկաստանի սահմանային շրջանները

Հնդկաստանի բանակը հայտարարում է սահմանային շրջաններում Պակիստանյան անօդաչու թռչող սարքերի  խոցման, ինչպես նաև հակառակորդի գրոհները հաջողությամբ հետ մղելու մասին: Այս մասին հայտնում է Հնդկաստանի պաշտպանության նախարարության մամուլի ծառայությունը, գրում է Ա «Ռիա Նովոստի»-ն:

«Գիշերը Պակիստանի զինված ուժերը անօդաչու թռչող սարքերի և այլ զինամթերքի օգտագործմամբ բազմաթիվ հարվածներ են հասցրել Արևմտյան սահմանի ողջ երկայնքով: Անօդաչու թռչող սարքերի հարձակումները արդյունավետորեն հետ են մղվել, և դրանց արժանի պատասխան է տրվել»,- ասվում է հաղորդագրության մեջ:

Հավելենք՝ Հնդկաստանի և Պակիստանի միջև լարվածությունը սրվել է ապրիլի 22-ին Հնդկաստանի Ջամու և Քաշմիր շրջանի Պահալգամ քաղաքի մոտ տեղի ունեցած ահաբեկչությունից հետո: Ահաբեկիչների հարձակման հետևանքով զոհվել է 25 հնդիկ և Նեպալի մեկ քաղաքացի: Հնդկաստանը հայտարարել է, որ ապացույցներ ունի Պակիստանի միջգերատեսչական հետախուզության հարձակմանը մասնակցության մասին: Պակիստանի վարչապետ Շահբազ Շարիֆը հերքել է Քաշմիրի ահաբեկչության հետ կապված Իսլամաբադի հետ կապված Հնդկաստանի մեղադրանքները: