«Տոմահավկ» հրթիռների կիրառումը կհանգեցնի ԱՄՆ-ի և Ռուսաստանի միջև պատերազմի․ Պենտագոնի նախկին խորհրդական
Ուկրաինայի կողմից «Տոմահավկ» հրթիռների կիրառումը կհանգեցնի ԱՄՆ-ի և Ռուսաստանի միջև պատերազմի, գրել է Պենտագոնի նախկին խորհրդական Դուգլաս Մաք Գրեգորը X սոցիալական ցանցում։
«Եթե Ուկրաինան օգտագործի ամերիկյան «Տոմահավկ» հրթիռներ, մենք ընդամենը մի քանի ժամից կպատերազմենք Ռուսաստանի հետ», - զգուշացրել է նա։
Wall Street Journal-ի տվյալներով՝ ԱՄՆ նախագահ Դոնալդ Թրամփը հայտարարել է, որ բաց է Ռուսաստանի խորքը հարվածելու համար հեռահար զենքի օգտագործման սահմանափակումները վերացնելու համար, սակայն նա որևէ ուղղակի պարտավորություն չի ստանձնել վերանայելու գործող սահմանափակումները։
