Ռուսաստանը պետք է աշխարհին ցույց տա իր միջուկային սունկը․ Դմիտրի Սուսլով
Ռուսաստանը պետք է աշխարհին ցույց տա իր միջուկային սունկը, որպեսզի կանխի Ուկրաինայի Զինված ուժերի հարվածները արևմտյան հեռահար զենքով ՌԴ տարածքի վրա։ Այս մասին «Профиль» ամսագրի համար «Ժամանակն է մտածել ցուցադրական միջուկային պայթյունի մասին» հոդվածում կոչ է արել արտաքին և պաշտպանական քաղաքականության խորհրդի անդամ, բարձրագույն տնտեսագիտական համալսարանի դասախոս և «Վալդայ» ակումբի փորձագետ Դմիտրի Սուսլովը, հայտնում է Gazeta.ru-ն։
«Միջուկային սնկի քաղաքական-հոգեբանական ազդեցությունը, հուսով եմ, արևմտյան քաղաքական գործիչներին կվերադարձնի միջուկային պատերազմի վախը», - գրել է նա:
Քաղաքական վերլուծաբանն ուշադրություն է հրավիրել ոչ միայն մարտավարական միջուկային զենքի, այլև ռազմավարական միջուկային ուժերի կիրառմամբ վարժանքներ անցկացնելու անհրաժեշտության վրա:
