Ուկրաինայում ԱԹՍ-ների հարվածից ֆրանսիացի ֆոտոլրագրող է զոհվել
Հոկտեմբերի 3-ին ֆրանսիացի ֆոտոլրագրող Անտոնի Լալիկանը զոհվել է Ուկրաինայի Դոնեցկի մարզի Դրուժկիվկա քաղաքի մոտակայքում ռուսական անօդաչու թռչող սարքի հարձակման հետևանքով։
Ֆրանսիայի նախագահ Էմանուել Մակրոնը հաստատել է տեղեկությունը և ցավակցություն է հայտնել։ Նա այս մասին գրել է սոցիալական ցանցերում։
«Մեր հայրենակից ֆոտոլրագրող Անտոնի Լալիկանը ուղեկցել է ուկրաինական բանակին առաջնագծում։ Խորը վշտով եմ տեղեկացել նրա մահվան մասին», - գրել է Մակրոնը։
