ՀԱՄԱՍ-ը ներկայացրել է իր պատասխանը Թրամփի՝ Գազայում հրադադարի ծրագրի վերաբերյալ
Պաղեստինյան արմատական ՀԱՄԱՍ խմբավորումը միջնորդներին է ներկայացրել իր պատասխանն ԱՄՆ նախագահ Դոնալդ Թրամփի՝ Գազայում հրադադարի ծրագրի վերաբերյալ։
Report-ի փոխանցմամբ՝ այս մասին հայտնել է կատարական «Ալ Ջազիրա» հեռուստաալիքը՝ հղում անելով իրազեկ աղբյուրներին։
ՀԱՄԱՍ-ը համաձայնել է ազատ արձակել բոլոր իսրայելցի պատանդներին և հանձնել զոհվածների մարմինները՝ համաձայն Թրամփի Գազայի խաղաղության ծրագրի։
Այլ մանրամասներ դեռևս չեն հրապարակվել։
Հիշեցնենք՝ սեպտեմբերի 29-ին Սպիտակ տունը հրապարակել է ԱՄՆ նախագահ Դոնալդ Թրամփի մասնակցությամբ մշակված «համապարփակ» խաղաղության ծրագիրը՝ Գազայի հատվածում հակամարտությունը դադարեցնելու համար։
«Ալ Ջազիրան» նույն օրը՝ հղում անելով անանուն դիվանագիտական աղբյուրի, հայտնել է, որ Կատարը և Եգիպտոսը խաղաղության ծրագիրը ներկայացրել են ՀԱՄԱՍ-ի բանակցային թիմին։
