Ռուսաստանը կգնի չինական բենզին

Ռուսաստանի իշխանությունները պատրաստել են միջոցառումների փաթեթ՝ Չինաստանից և այլ ասիական երկրներից բենզին ներմուծելու համար, որպեսզի փոխհատուցեն վառելիքի պակասը, որը երկրում առաջացել է անօդաչու թռչող սարքերի կողմից խոշոր նավթավերամշակման գործարանների վրա հարձակումներից հետո։

«Կոմերսանտի» տվյալներով՝ Չինաստանից բացի, Մոսկվան հույս ունի բենզին գնել նաև Հարավային Կորեայից և Սինգապուրից։ Այդ նպատակով նախատեսվում է չեղարկել Հեռավոր Արևելքի որոշակի անցակետերով մուտք գործող վառելիքի ներմուծման մաքսատուրքերը։

Միևնույն ժամանակ, պետությունը բյուջեից կփոխհատուցի ներմուծողներին համաշխարհային և ներքին գների միջև եղած տարբերությունը։