ՍԱՏՄ-ն կասեցրել է «ԴԻԼԻ» ՍՊԸ-ի արտադրությունը

Սննդամթերքի անվտանգության տեսչական մարմնի կողմից «ԴԻԼԻ» ՍՊԸ-ում (Տավուշի մարզ, Դիլիջան քաղաք) իրականացված ստուգումների արդյունքում լաբորատոր փորձաքննության են հանձնվել արտադրատեսակների նմուշներ։

Հետազոտության արդյունքներով պարզվել է, որ մի շարք կաթնամթերք չի համապատասխանում անվտանգության և հիգիենայի պահանջներին՝ համարվելով վտանգավոր սննդամթերք։

Մասնավորապես՝ «Պանիր Մոցարելլա», «Պանիր Բուրատտա», «Պանիր Գաուդա», ինչպես նաև «Թթվասեր» և «Յոգուրտ» արտադրատեսակներում հայտնաբերվել են մանրէաբանական շեղումներ՝ այդ թվում աղիքային ցուպիկի խմբի մանրէներ, խմորասնկեր և բորբոսասնկեր։

Տեսչական մարմնի ղեկավարի որոշմամբ՝ կաթնամթերքի արտադրամասի գործունեությունը կասեցվել է՝ մինչև հայտնաբերված խախտումների վերացումը։