Հույս ունենք` Ռուսաստանի հետ հակամարտությունը կդադարեցվի մինչև 2025 թվականի ավարտը. Սիբիգան
Կիևը հույս ունի Ռուսաստանի հետ հակամարտությունը ավարտել մինչև 2025 թվականը, հայտարարել է Ուկրաինայի արտաքին գործերի նախարար Անդրեյ Սիբիգան Վարշավայի անվտանգության ֆորումի ժամանակ։
«Մենք ցանկանում ենք այս պատերազմը ավարտել այս տարի», - ասել է Սիբիգան։ Դիվանագետը նշել է, որ Նյու Յորքում ՄԱԿ-ի Գլխավոր ասամբլեայի շրջանակներում Ուկրաինայի նախագահ Վլադիմիր Զելենսկու և ԱՄՆ նախագահ Դոնալդ Թրամփի միջև հանդիպումից հետո ավելի մեծ վստահություն կար դրա նկատմամբ։
Նույն օրը Ուկրաինայի արտաքին գործերի նախարարը մասնակցել է Վարշավայում «Վեյմարյան եռյակի» (Գերմանիա, Ֆրանսիա և Լեհաստան) գործընկերների հետ հանդիպմանը, որտեղ նա նաև նշել է Թրամփի և Զելենսկու միջև վերջերս կայացած հանդիպման դիվանագիտական հետևանքները։
Ըստ Ուկրաինայի արտաքին գործերի նախարարի՝ Նյու Յորքում նախագահները քննարկել են Կիևի անվտանգության երաշխիքները և ամերիկյան զենքի մատակարարման և օգտագործման վերաբերյալ ցանկացած տաբուի վերացումը՝ «մշտական խաղաղության» հասնելու համար։
