Ռուսական ռազմական ոստիկանությունը Սիրիայում ձերբակալել է «Վագներ»-ի չորս հրամանատարների
Ռուսաստանի ռազմական ոստիկանությունը Հմեյմիմ ավիաբազայում ձերբակալել է Էս-Սուվեյդայում գտնվող «Վագներ»-ի խմբի՝ տեղի մասնաճյուղի ղեկավարին և նույն խմբավորման ևս երեք «բարձրաստիճան հրամանատարների»։ Այս մասին հայտնում է Al-Hadath-ը՝ հղում անելով աղբյուրներին։
Նշվում է, որ ՌԴ ոստիկանությունը այցելել է նաև «Վագներ»-ի՝ Դեյր էզ Զորում, Համայում և Դամասկոսում գտնվող ներկայացուցչություններ։
Հունիսի 24-ին «Վագների» ուժերը արգելափակել են Դոնի Ռոստովի վարչական շենքերը և սկսել շարժվել դեպի Մոսկվա, նախագահ Վլադիմիր Պուտինը խմբավորման ղեկավարի գործողություններն անվանել է «հարված թիկունքից»։
Նույն օրը Բելառուսի նախագահի մամուլի ծառայությունը հայտնել է Ալեքսանդր Լուկաշենկոյի եւ Պրիգոժինի բանակցությունների մասին։ Այնուհետև Վագների ՊՄԿ-ի ղեկավարը հայտարարեց, որ որոշել է շրջել իր շարասյուները և դրանք հետ ուղարկել դաշտային ճամբարներ։
