«3+3» ձևաչափը կարևոր հարթակ է Ռուսաստանի հետ ավանդական երկխոսությունը զարգացնելու համար. Փաշինյան
Հայաստանը դիվանագիտական հարաբերություններ է հաստատել Սաուդյան Արաբիայի և Պակիստանի հետ, ռազմավարական գործընկերություն՝ Չինաստանի հետ, քաղաքական և առևտրատնտեսական հարաբերություններ ունենք Հնդկաստանի հետ։ Այս մասին հայտարարել է Հայաստանի վարչապետ Նիկոլ Փաշինյանը:
«Իրանի և Վրաստանի հետ մեր երկխոսությունն ու եղբայրությունն ավելի տեսանելի է դառնում, որոնք չափազանց կարևոր են Հարավային Կովկասը խաղաղ, կայուն և զարգացող միջավայր տեսնելու համար։
Կարևորում եմ «3+3» ձևաչափը, որը կարևոր հարթակ է նաև Ռուսաստանի հետ ավանդական երկխոսությունը զարգացնելու համար, թեև երկկողմ ձևաչափով ակտիվ շփումներ ունենք»,- ասել է Փաշինյանը։
