ՏԵՍԱՆՅՈՒԹ. Լավրովի ելույթը Նյու Յորքում ընդհատվել է «պատանդներին ազատելու» կոչով

ՌԴ ԱԳ նախարար Սերգեյ Լավրովի ելույթը ՄԱԿ-ի Անվտանգության խորհրդի՝ Մերձավոր Արևելքի հարցով նիստում, ընդհատվել է դահլիճում գտնվող երկու ակտիվիստների կողմից։ Նրանք ոտքի են կանգնել իրենց տեղերից՝ ձեռքներին թղթե ցուցապաստառներ պահելով և սկսել են բղավել «Իսրայելի ժողովուրդը ողջ է» և «Ազատիր պատանդներին» կարգախոսներ, հաղորդում է ТАСС–ը:

РИА Новости-ն գրում է, որ ակտիվիստները իբր կարգախոսներ են բղավել պաղեստինյան ՀԱՄԱՍ շարժման գերության մեջ գտնվող իսրայելցի պատանդների ճակատագրի մասին։

Լավրովը, լսելով կանանց բղավոցները, ընդհատել է իր խոսքը և ասել. «Ես չեմ հասկանում, ասացեք ինձ ավելի պարզ, պարզ, ավելի պարզ, այլապես ես չեմ հասկանում: Որևէ մեկդ ինձ հստակ ասացեք, թե ինչ եք ուզում։ Դուք չե՞ք ցանկանում: Դե լավ»:

Անվտանգությունը ուղեկցել է ակտիվիստներին նիստերի սենյակից, իսկ Լավրովը շարունակել է իր ելույթը որպես ՄԱԿ-ի Անվտանգության խորհրդի նախագահ։

РИА Новости-ն նշում է, որ ակտիվիստները եղել են ՄԱԿ-ի Անվտանգության խորհրդի դահլիճի այն հատվածում, որտեղ մուտք ունեն լրագրողները։ ТАСС-ի փոխանցմամբ՝ նրանք կարող էին հայտնվել շենքի ներսում՝ օգտագործելով հյուրերի համար նախատեսված տոմսեր։