Յոթ պատերազմ եմ լուծել, բայց երբեք ՄԱԿ-ից զանգ չեմ ստացել. Թրամփ

ԱՄՆ նախագահ Դոնալդ Թրամփը հայտարարել է, որ կազմակերպությունը չի կարողանում կատարել իր դերը համաշխարհային հակամարտությունների լուծման գործում: Այս մասին գրել է ՏԱՍՍ-ը։

«Շատ ցավալի է, որ ես ստիպված էի դա անել ՄԱԿ-ի փոխարեն։ Ցավոք, ՄԱԿ-ը նույնիսկ չփորձեց օգնել։ Ես լուծեցի յոթ պատերազմ, գործ ունեցա [ներգրավված] յուրաքանչյուր երկրի ղեկավարի հետ, բայց ՄԱԿ-ից երբեք ոչ մի զանգ չստացա, որ առաջարկեին օգնել գործարքների կնքման հարցում: ՄԱԿ-ից ես միայն անսարք շարժասանդուղք և հեռուստասուֆլյոր ստացա»,- ասել է նա։