Հենց սկզբից Ադրբեջանին և Հայաստանին կոչ ենք արել կողմերի միջև խաղաղություն հաստատել. Էրդողան
Թուրքիայի նախագահ Ռեջեփ Թայիփ Էրդողանը ՄԱԿ-ի Գլխավոր ասամբլեայում անդրադարձել է Հայաստանի և Ադրբեջանի միջև հարաբերությունների կարգավորման գործընթացին:
«Մենք հենց սկզբից Ադրբեջանին և Հայաստանին կոչ ենք արել կողմերի միջև խաղաղություն հաստատել։ Ուրախ ենք, որ օգոստոսի 8-ին երկու երկրներն էլ քայլեր ձեռնարկեցին, որոնք տանում են դեպի հարատև խաղաղություն։
Եվս մեկ անգամ շնորհավորում եմ Ադրբեջանի նախագահ պարոն Ալիևին և Հայաստանի վարչապետ պարոն Փաշինյանին, ինչպես նաև ԱՄՆ նախագահ պարոն Թրամփին, ովքեր իրենց ներդրումն են ունեցել այս գործընթացում:
Այս կապակցությամբ ես ցանկանում եմ հայտարարել, որ մեր երկրի և Հայաստանի միջև հարաբերությունների կարգավորման գործընթացն ընթանում է իր ճանապարհով»,- ասել է Էրդողանը։
