Ռուսական կողմը պատրաստ է դրան․ Պեսկով
Ստամբուլում կայանալիք ռուս-ուկրաինական ուղիղ բանակցությունների երկրորդ փուլի ընթացքում կողմերը կքննարկեն Ռուսաստանի և Ուկրաինայի միջև հուշագրերի նախագծերը՝ հրադադարի իրենց տեսլականով: Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։
«Հուսով ենք, որ երկու նախագծերի հուշագրերը՝ ռուսականը և ուկրաինականը, կքննարկվեն բանակցությունների երկրորդ փուլում։ Ռուսական պատվիրակությունը պատրաստ կլինի դրան», - ասել է Պեսկովը։
Հավելենք՝ Կրեմլի խոսնակը նշել է, որ կարգավորման վերաբերյալ ռուսական հուշագրի նախագծի մանրամասները հրապարակային չեն լինի։
