ԱՄՆ-ում սահմանված ժամկետից երկար մնալը, կհանգեցնի երկիր մուտք գործելու արգելքի

Կողոպուտ կամ գողություն կատարելը իրավական հետևանքներից զատ կարող է հանգեցնել վիզայի հետկանչի, հայտնում են  ԱՄՆ դեսպանատնից։

ԱՄՆ-ում գտնվելու ընթացքում բռնարարք, կողոպուտ կամ գողություն կատարելը իրավական հետևանքներից զատ կարող է հանգեցնել վիզայի հետկանչի և վիզա ստանալու հետագա հնարավորություններից զրկման։

«Միացյալ Նահանգներում ընդգծված մոտեցում է դրսևորվում օրենքների ու հասարակական կարգի պահպանության հարցում, և օտարերկրացիներից ևս ակնկալվում է հետևել ԱՄՆ բոլոր օրենքներին»,- նշվում է հաղորդագրության մեջ։

Բացի այդ, եթե անձը սահմանված ժամկետից երկար է մնացել Միացյալ Նահանգներում, նրան կարող են արտաքսել, կամ վերջինս կարող է մշտապես զրկվել ԱՄՆ հետագայում մուտք գործելու հնարավորությունից։