ԱՄՆ-ն վետո դրեց ՄԱԿ–ի կոչին. Գազայում պատերազմը կշարունակվի

Ամերիկան վետո է դրել ՄԱԿ-ի Անվտանգության խորհրդի բանաձևին, որը կոչ էր անում անհապաղ զինադադար հաստատել Գազայում և ազատ արձակել պատանդներին։ Քվեարկությունը տեղի է ունեցել ՄԱԿ-ի Գլխավոր վեհաժողովի հավաքից օրեր առաջ, որտեղ Գազան կլինի հիմնական թեման, և սպասվում է, որ մի շարք երկրներ կճանաչեն Պաղեստինն անկախ պետություն: Այս մասին հայտնում է Euronews-ը։

Խորհրդի մյուս 14 անդամներն աջակցել են բանաձևին, որը նաև կոչ էր անում Իսրայելին չեղարկել Գազայում ապրող 2,1 միլիոն պաղեստինցիներին օգնություն հասցնելու սահմանափակումները, սակայն ԱՄՆ-ի դեսպանը նշել է, որ տեքստը չի դատապարտում ՀԱՄԱՍ-ին և չի ճանաչում Իսրայելի ինքնապաշտպանության իրավունքը:

«ԱՄՆ-ի դեմ լինելն այս բանաձևին անակնկալ չէ», – քվեարկությունից առաջ ասել է ԱՄՆ-ի բարձրագույն քաղաքական խորհրդատու Մորգան Օրտագուսը:

ՄԱԿ-ում Պաղեստինի դեսպան Ռիյադ Մանսուրը իր դժգոհությունն է արտահայտել ԱՄՆ-ի վետոյի կապակցությամբ և ասել, որ պաղեստինցիները հիասթափված են, որովհետև հույս ունեին, որ բանաձևը կօգներ վերջ տալ ծանր իրավիճակին։