Հուսիթները հիպերձայնային բալիստիկ հրթիռով հարվածել են Թել Ավիվին
Հուսիթները հայտարարել են Թել Ավիվի վրա «հիպերձայնային բալիստիկ հրթիռով» հարված հասցնելու մասին։
Այս մասին հայտնել է «Անսար Ալլահ» ապստամբական շարժման ներկայացուցիչ Յահյա Սարիան։
«Եմենի զինված ուժերի հրթիռային ուժերը ռազմական գործողություն են իրականացրել՝ օգտագործելով բազմակի մարտագլխիկով «Պաղեստին-2» հիպերձայնային բալիստիկ հրթիռ, որը հարվածել է Ջաֆայի օկուպացված տարածքում գտնվող մի քանի խոցելի թիրախների։ Գործողությունը հաջողությամբ հասել է իր նպատակներին», - ասել է շարժման ներկայացուցիչը հուսիթներին պատկանող «Ալ Մասիրա» հեռուստաալիքի եթերում։
