Գերմանիայում ձերբակալվել է անօրինական միգրանտներ տեղափոխող ադրբեջանական խմբավորման ղեկավարը
Ամիսներ տևած հետաքննությունից հետո Գերմանիայի դաշնային ոստիկանությունը Վուպերտալ քաղաքում ձերբակալել է 40-ամյա Ադրբեջանի քաղաքացու, որը ղեկավարել է մարդկանց առևտրով զբաղվող խմբավորում: Գերմանական լրատվամիջոցների տվյալներով՝ նա կազմակերպված հանցավոր խմբի ղեկավարն էր, որը ապահովել է առնվազն 87 միգրանտի անօրինական տեղափոխումը երկիր:
Խումբը հայտնաբերվել է չեխական ոստիկանությունից ստացված տեղեկատվության շնորհիվ: 2024 թվականի ամռանը Չեխիայում՝ Գերմանիայի Սաքսոնիա դաշնային երկրամասի հետ սահմանին, կանգնեցվել է տասից ավելի անօրինական միգրանտներով լի շարժական տուն: Պարզվել է, որ այս կերպ իրականացվել է առնվազն վեց անգամ Գերմանիա ուղևորություն: Դաշնային ոստիկանությունը նույնականացրել է այս խմբի կողմից բերված 87 միգրանտի:
