Գեղամ Նազարյանը` Խոյ համայնքում պարեկին ծեծի ենթարկելու դեպքի մասին
Հասարակությանը հուզում է Խոյի համայնքապետի և նրա ազգականների հետ կապված դեպքը, երբ պարեկների էին ծեծել, 5 հոգի ձերբակալվել էին և 5-ն էլ ազատ էին արձակվել, ընդհանրապես մեղադրանքներ չեն առաջադրվել: Այս մասին ԱԺ-ում հայտնել է պատգամավոր Գեղամ Նազարյանը՝ դիմելով ՆԳ փոխնախարար Արմեն Մկրտչյանին։
Պատգամավորը հարցրել է, թե փոխնախարարին չի անհանգստացնում, որ պարեկին ծեծել են և որևէ մեկին մեղադրանք չի առաջադրվում։
«Այսինքն ի՞նչ, հանրությունն ազդակ ստանա, որ պարեկին կարող են ծեծե՞լ»,-հարցրել է Նազարյանը։
Արմեն Մկրտչյանը հայտնել է, որ տվյալ դեպքով քրեական վարույթ կա նախաձեռնված։
«Եթե չեմ սխալվում, ձեր նկարագրված դրվագով ապացուցված կամ հաստատված վիճակ չունենք»,-ասել է ՆԳ փոխնախարարը և զերծ է մնացել գնահատականներ հնչեցնելուց։
Նա վստահեցրել է, որ եթե հաստատվի որ հանցագործություն է եղել համապատասխան հետևանքներ կլինեն։
