Հավաքականին հեշտ հանդիպում չի սպասվում, բայց թիմը պետք է բնավորություն ցույց տա․ Սպերցյան
Հայաստանի ֆուտբոլի ազգային թիմի կիսապաշտպան Էդուարդ Սպերցյանը լրագրողների հետ նախախաղային մամուլի ասուլիսի ժամանակ հայտարարել է, որ Պորտուգալիայի հետ աշխարհի առաջնության ընտրական փուլի խաղից առաջ Հայաստանի հավաքականում մթնոլորտը հրաշալի է։
«Հավաքականում հրաշալի մթնոլորտ է: Այս 5 օրերի ընթացքում փորձել ենք հասկանալ մեր նոր մարզչի փիլիսոփայությունը: Ամեն ինչ անելու եմ, որ օգնեմ հավաքականին՝ հնարավորինս լավ արդյունք գրանցելու հարցում»,- ասել է Սպերցյանը:
Կիսապաշտպանի խոսքով` հավաքականին հեշտ հանդիպում չի սպասվում, բայց թիմը պետք է բնավորություն ցույց տա:
Հավելենք՝ սեպտեմբերի 6-ին ազգային հավաքականը Վազգեն Սարգսյանի անվան «Հանրապետական» մարզադաշտում կընդունի Պորտուգալիայի հավաքականին։ Հանդիպման մեկնարկը՝ ժամը 20։00-ին (Երևանի ժամանակով)։
