Կրկին հաղթանակ. Ջոկովիչը հաղթանակների թվով առաջ անցավ Ռոջեր Ֆեդերերից՝ սահմանելով նոր ռեկորդ
Թուրինում ավարտված ATP-ի եզրափակիչ մրցաշարի չեմպիոն է դարձել սերբ թենիսիստ Նովակ Ջոկովիչը։ Նա վճռորոշ խաղում մեկ ժամ 40 րոպեում 6։3, 6։3 հաշվով հաղթեց իտալացի Յաննիկ Սիներին։
Մրցակիցները հանդիպել էին նաև մրցաշարի խմբային փուլում, որի ժամանակ հաղթել էր իտալացին։ 36-ամյա Ջոկովիչը 2015 թվականից ի վեր առաջին անգամ պաշտպանեց իր տիտղոսը։ Ընդհանուր առմամբ, նա ունի յոթ հաղթանակ (2008, 2010, 2011, 2014, 2015, 2022, 2023), այս ցուցանիշով նա շրջանցել է շվեյցարացի պրոֆեսիոնալ թենիսիստ Ռոջեր Ֆեդերերին՝ դառնալով միանձնյա առաջատար։
Հիշեցնենք, որ կիսաեզրափակչում Ջոկովիչը 6:3, 6:2 հաշվով հաղթել է իսպանացի Կառլոս Ալկարասին: Այս հաջողությունը սերբին թույլ տվեց կարիերայի ընթացքում 9-րդ անգամ դուրս գալ Պրոֆեսիոնալ թենիսիստների ասոցիացիայի եզրափակիչ մրցաշարի վերջին փուլ։
