Հայաստանի առանձին շրջաններում կարճատև անձրև և ամպրոպ է սպասվում
Հայաստանի առանձին շրջաններում այսօր կարճատև անձրև և ամպրոպ է սպասվում։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Ամպրոպի ժամանակ սպասվում է քամու ուժգնացում՝ 17-20մ/վ արագությամբ։
Օդի ջերմաստիճանը կշարունակի նվազել 4-7 աստիճանով։
Երևանում կարճատև անձրև և ամպրոպ է սպասվում երեկոյան ժամերին, ամպրոպի ժամանակ սպասվում է նաև քամու ուժգնացում 16-19մ/վ արագությամբ։ Ցերեկը օդի ջերմաստիճանը կտատանվի +32-34, գիշերը` +17-19 աստիճանի սահմաններում։
