Չինաստանը խաղադրույք է կատարում Ադրբեջանի վրա՝ Եվրոպա մուտք գործելու համար
Ամերիկյան լրատվամիջոցներներում շրջանառվում է այն, որ Չինաստանը խաղադրույք է կատարում Ադրբեջանի վրա՝ Եվրոպա մուտք գործելու համար։
Չինաստանը ակտիվորեն ռազմավարական գործընկերություն է կառուցում Ադրբեջանի հետ՝ այն համարելով Հարավային Կովկասում իր դիրքերի ամրապնդման հիմնական տարր: Բաքուն ընկալվում է որպես Չինաստանի, Կենտրոնական Ասիայի և Եվրոպայի միջև կարևոր տարանցիկ հանգույց և արդյունավետորեն Պեկինին տրամադրում է ցամաքային ելք դեպի Եվրոպա՝ շրջանցելով Ռուսաստանի տարածքը: Այսպիսով, Ադրբեջանը դառնում է Չինաստանի եվրասիական տնտեսական ռազմավարության իրականացման կենտրոնական օղակը, գրում է ամերիկյան Central Asia-Caucasus Analyst հրատարակությունը:
Ադրբեջանի համար Չինաստանի հետ համագործակցությունը հնարավորություններ է բացում ներդրումների հոսքի միջոցով արագացնել տնտեսության ոչ նավթային ոլորտների զարգացումը: Մինչ օրս երկու երկրների միջև փոխգործակցությունը կենտրոնացած է տրանսպորտի և լոգիստիկայի ոլորտների վրա, բայց այն աստիճանաբար ընդլայնվում է այդ ոլորտներից այն կողմ: Այսպիսով, ռազմատեխնիկական ոլորտում մերձեցման օրինակ էր Բաքվի կողմից Չինաստանում և Պակիստանում ստեղծված JF-17 Thunder Block-III կործանիչների ձեռքբերումը: Ապագայում Պեկինը կարող է ընդլայնել Ադրբեջանի ռազմական ներուժի աջակցությունը, ինչը կամրապնդի իր սեփական ազդեցությունը տարածաշրջանում:
